Ontdoos of ontplof

    

“Blondines is so dom” se^ die brunette terwyl sy haar roomys koud blaas. ”Prokureurs is almal skelm” se^ die motorwerktuigkundige terwyl hy ‘n motor se kilometerlesing terug draai. “Politikuste is almal korrup” se^ die rekenmeester terwyl sy haar kliEnt se boeke ‘kook’. “Blou Bul ondersteuners is almal arrogant” se^ die Sharks ondersteuner terwyl hy by ‘n ry in druk. “Swart mense is dom” se^ die wit man terwyl hy slegs een taal kan praat (en die swart man drie). “Wit mense is almal rassiste” se^ die swart joernalis terwyl hy swart mense op sweep in sy weeklikse politiese rubriek. “Ateiste is mal om nie in ‘n God te glo nie” se^ die Christen terwyl sy ‘n fortuinverteller besoek. “Christene is almal huigelaars” se^ die ateis ”en ek sal nooit aan ‘n Opperwese glo nie …touch wood“. “Moslems is almal wreed” se^ die Jehova Getuie terwyl sy weier om die Moslem dokter toe te laat om haar dogter ‘n bloedoortapping te gee. “Rekenaarfundi’s is almal nerds met antisosiale neigings” se^ die alkolis. “Vrouens kan nie bestuur nie” se^ die man terwyl hy oor ‘n rooi lig jaag. ”Mans is almal varke” se^ die vrou terwyl sy planne beraam om haar eks te keer om sy kinders te sien. “Vrouens is almal bakleierige tewe” se^ die man terwyl hy sy vrou aanrand. “Bloggers is almal veroordelende idiote” se^ die bloglose veroordelende idioot.

Ensovoorts. Duisende gemerkte dose vir miljoene onbekende mense.

Soms is dit nodig om te oordeel bv. wanneer jy ‘n onderhoud met iemand voer vir werk, moet jy binne ‘n redelik kort tydjie ‘n besluit maak oor iemand se karakter. Of as dit kom by jou veilig bv. as iemand by jou huis aanklop vir hulp. Ons almal oordeel en soms is dit nodig. Wanneer dit ‘n probleem word, is wanneer ons stereotipering of veralgemening dan onregverdig en ongegrond is en tot nadeel van die veiligheid van ‘n sekere groep mense kan lei (soos bv. Bullard en Quelane se artikels). Hoe om dit te stop is die groot vraag. Dis tog so ‘n aansteeklikke siekte. Ek verstaan dat seker mense sekere kenmerke sal deel a.g.v. miskien kultuur, maar veralgemening kan gevaarlik wees. Vra maar vir die Jode.

Anyway, dis maar net iets waaraan ek dink elke keer as ek hierdie tipe goed lees.

Explore posts in the same categories: Algemeen, Politiek